Minutes de Patisson, notaire. Étude de Me Paillas, à Orléans.
Ledict jour (9 juillet 1539)... Noble personne Michel du Brunet, filz de feu noble homme Jehan de Brunet, luy vivant seigneur du Mont, et damoiselle Katlierine de Thiville, ses père et mère, cougnut et confessa que pour le bon vouiloir qu’il a à servir Dieu, son intencion est entrer en relligiou, et parce qu’il n’a deniers pour payer à entrer en ladicte religion et autres bonnes causes à ce le mouvans, et en la présence de l’auctorité, voulloir et consentement de noble homme Ahel de Miroe, escuyer, seigneur du Bois, et à ladite damoyselle Katherine de Thiville, à présent sa femme, mère dudit Michel de Brunet; de François Gorbery, praticien, demourant à Sandillon, curacteur dudit Michel, avoir ceddé, quicté, transporté et délaissé, et par ces présentes cedde, quicte, transporte et délaisse dès maintenant pour tou zjours à noble homme Loys de Thiville, seigneur de la Roche-Vert, huissier de la chambre du roy notre sire et lieutenant de monseigneur de Savigny, capitaine des archers de la garde du corps du roy notre sire, oncle dudict Michel du Brunet à ce présent et acceptant pour luy, ses hoirs, etc., tous et chacuns les héritaiges, rentes, revenuz qui audict donneur sont esche us et avenuz nuz par le trespas et succession dudict feu Jehan de Bonnet (sic, pour : de Brunet), son père, quelque part qu’ils soient assis, situez, sciz ou trouvez, avecque tous les droitz, menées, raisons et actions qui en dépendent, et aux charges foncières et anciennes que lesdictz héritaiges doivent et peuvent devoir et autres qui sont deuz, ensemble du douère que ladicte veufve damoiselle Katherine de Thiville pourroit prétendre sur lesdictz héritaiges. Ce présent transport faict ausdictes charges et aultre, à la charge que ledict seigneur de la Rochevert a promis et sera tenu faire mectre ledict Michel du Brunet en religion autre que de mendiens, faire des fraictz de son entrée en icelle jusqu’à ce qu’il soit reçeu profez, ainsy qu’il appartient, payer et faire les frais de la profession qui pourra faire en ladicte religion où il sera mis, et aultres frais nécessaires à l’entrée et réception dudict Michel en ladicte religion, jusque à la somme de quatre cens livres tournois, à une foiz payer, si tout lesdictz fraiz montent. Et par ce faisant, ledict Michel de Brunet demeure quicte envers ledit seigneur de la Rochevert, son oncle, etc. Et a esté dict et accordé par lesdictes parties que s’il avyent que le dict Michel du Brunet ne sait profez en religion, ainsi que dict est, et prenne estat d’homme lay, en ce cas ledict seigneur de la Rochevert sera tenu et a promis luy délaisser lesdictz béritaiges, rentes et choses ainsi à luy données, comme dict est, en le remboursant des frais et choses qu’il auroict payées et fournyes pour l’entrée, frais de ladicte religion, et autres fraitz faictz pour ledict du Brunet, ensemble de la dicte nourriture et entretenement qui luy a cy devant faicte, au préjudice à ladicte demoyselle Katherine de Thiville de ses droits pour son douère sur aultres heritages que ceulx que ledict deffunt Jehan du Brunet a delaissez par son trespas, etc. Présens honnorable homme saige, maistre Alain Mersant, licencié en lois, advocat à Orléans, et Nicolles de Paisent, demeurant à Orléans, tesmoings.
Aucun commentaire:
Enregistrer un commentaire