Equipement de la Pucelle

ÉQUIPEMENT DE LA PUCELLE

Extrait du 13e et dernier compte de maître Hemon Raguier, trésorier des guerres, conservé autrefois en original à la Chambre des comptes de Paris ; imprimé par De la Roque, ch. XLIII de son Traité de la noblesse.

Aux personnes cy après nommées, la somme de 450 livres tournois qui, ou mois d'avril MCCCC XXIX après Pasques, de l'ordonnance et commandement du roy nostre sire, a esté payée et baillée par ledit thrésorier [Me Hemon Raguier] ; c'est assavoir : 

• A Jehan de Mès, pour la despence de la Pucelle, 200 livres tournois ; 
•  Au maistre armeurier, pour ung harnois complet pour laditte Pucelle, 100 livres tournois ;
• Audit Jehan de Mès et son compaignon, pour luy aidier à avoir des harnois pour eulx armer et habiller, pour estre en la compaignie de laditte Pucelle, 125 livres tournois ;
• Et à Hauves Poulnoir, paintre, demourant à Tours, pour avoir paint et baillié estoffes pour ung grant estandart et ung petit pour la Pucelle, 25 livres tournois ;

Comme il appert par lectres patentes du roy nostredit seigneur, données à Chinon le xe jour de may oudit an M CCCC XXIX, adressantes à maistre Regnier de Boullegny, général conseiller sur le fait et gouvernement de toutes les finances, et par luy expédiées le xve jour dudit mois de may oudit an ; par lesquelles est mandé que en les rapportant et quittances sur ce des dessusdictz tant seulement, ladicte somme soit allouée ès comptes et rabattue de la recepte dudit thrésorier par Messeigneurs des comptes, sans aucune difficulté ou contredit, non obstans quelconques ordonnances, mandemens et deffences ad ce contraires. Pour ce, par vertu desdictes lettres et quictances cy rendues, ladicte somme de quatre cens cinquante livres tournois, dont faut rabattre cent livres tournois pour ledit armeurier, duquel n'est cy rendue aucune quictance : pour cecy seulement, trois cens cinquante livres tournois.